Kartina uch qismdan iborat bo’lib, ijodkor unda Norvegiya tabiatini ta'riflagan. Dengiz, kemalar va uylar o’zaro uyg’un tasvirlanib, birinchi planda bolani ko’rishimiz mumkin. U o’yinchog’ini quchoqlab olgan holda, derazadan tabiatni kuzatmoqda. Bir qo’li bilan deraza tokchasiga suyanib, tabiat va insonlar o’rtasidagi bu uyg’un muhitga baho bermoqda. Dengiz sohilida turgan chag’alaylar esa hayot ritmini ifodalab turibdi. Kartina zangori, binafsha va to'q sariq ranglarning o'zaro uyg'unligi asosida qurilgan. Shuningdek unda yorqin ranglardan ham keng foydalanilgan. Norvegiya tog’li hudud bo’lib, uning tabiati kartinada yaqqol aks ettirilgan. Tog’larning yuqorisida esa shimol yog’dusi jilolanmoqda. Och yashil rangda tasvirlangan bu yog’duda rassom inson ichki kechinmalarini yoritib berishga harakat qilgan.