Buyuk ajdodimiz Mirzo Ulug’bek, Amir Temurning nabirasi, 1447 yildan boshlab temuriylar sulolasining boshlig‘i. U o‘z davrining atoqli olimi, astronom, matematigidir. Shuning uchun ham Ulug’bek tarixga ham shoh, ham mutafakkir sifatida iz qoldirgan. Ijodkor haykalda ham shoh, ham olimni bir siymoga jamlashga uringan va buning uddasidan ham chiqqan. Mirzo Ulug’bek viqor ila taxt ustida o’tiribdi. Ustida zarrin chopon, boshida saltanat toji. Yuzida esa olimlarga hos o’ychanlik. Balki hukumdor davlat poytaxti Samarqandga o‘sha paytning eng yaxshi bilimdonlarini chaqirib, ular yordamida rasadxona qurishni, yulduzlar katalogini yaratishni hayol qilayotgandir.