Ushbu kartina oddiy o’zbek xalqi hayotidan olingan bo`lib, milliy odatlarimiz bilan boyitilgan. Buni qahramonlar holatidan ham anglash mumkin. To`y xalqimiz uchun ahamiyatga molik masala, shuning uchun unga alohida tayyorgarlik bilan yondashiladi. Ijodkor o`zi yaratgan obrazlarida ana shunday quvonchni va ma`suliyatni aks ettirgan. Asar rang-barang detallar bilan boyitilgan. Uyga to`y kelyati. Uy egalari mehmonlarni kutib olishga hozirlanmoqda. Mehmonlar esa odatimizga muvofiq ochiqyuz bilan tashrif buyurishmoqda; kimdir qo`lida qo`zichoq ko`targan, kimdir boshida dasturxon qo’ygan, kimdir qo’chqor yetaklagan yana kimdir dutorda kuy chalib kelayapti. Kartinada liboslarga alohida e’tibor qaratilgan, barcha qahramonlar egnida milliy cho’pon, yaktak, boshida lachak hamda qadama do`ppi. Bu esa o`z navbatida asar jozibadorligini ta`minlaydi.