Ijodkor ”Orol dengizi” deb nomlagan ushbu asariga bugungi kunning eng dolzarb muammosi hisoblangan” orol fojiasini” aks ettirgan. Asar dumaloq shaklda ishlangan bo`lib, ustida kema shaklidagi bo`rtma bezak berilgan. G`oya suv muammosi bilan bog`liq bo`lgani sababli asos sifatida yer kurrasi belgisi sifatida dumaloqshakl tanlangan. Ustida qayiqlar chiqib qolgan, natijada kemalar qabristoni vujudga kelgan. Atrof qum bilan to`lgani uchun kemalarni olib chiqishning imkoni yo`q. Qumloqning har joyida butalar o`sgan va bular yashillikka nishonasi ekanini ko`rish mumkin. Ijodkor bir paytlar dunyoda kattaligi jihatdan to`rtinchi o`rinda turgan dengiz o`rniga jonsiz cho`l qolganini mohirona tasvirlagan.