Ushbu kartinada rassom oddiy yozgi bog’ manzarasini tasvirlaydi. Kubizm uslubida ishlangan bo’lsada, asarda tabiat go’zalligi, yozgi sokinlik va hotirjamlik tuyg’usini his qilish mumkin. Daraxtlar orasiga yupqa yo‘llar yotqizilib, yerda daraxt soyalari o‘yini yaqqol ko’zga tashlanib turibdi. Yo’laklarda deyarli barglar ko’rinmaydi, atrof toza, havo esa musaffo. Asar makazida tasvirlangan qahramonlar o’z ishlari bilan band. Bir qarashda tomoshabinda aynan shu personajlar bog’ning tozaligi va go’zalligini saqlash uchun harakat qilayotgandek ko’rinadi. Muallif ham shu g’oyni ilgari surib tabiat va inson uyg’unligini birlashtira olgan.