Ushbu kartinada Samarqandning bebaho me’moriy yodgorliklaridan biri hisoblangan Bibixonim masjidi tasvirlangan. Rassom masjidni tasvirlashda tabiat manzarasidan ajratmagan holda uzoq masofadagi ko’rinishini tanlab oladi. Bu ob’ektning butun qiyofasini: baland peshtoqli kirish darvozasi, moviy gumbaz, kichik minoralar-u arab yozuvidagi arnamentlarni ko’rish imkonini beradi. Asosiy planda tasvirlangan daraxtzor masjidning ko‘lami va nisbati haqida tasavvur beradi. Rassom moviy osmon fonida quyoshda porlayotgan binoning fasadini mohirona tasvirlaydi. Sharsimon konussimon gumbaz koʻk va oq sirlangan gʻishtlardan yasalgan koshinlar bilan qoplangan boʻlib, pogʻonali romblar naqshini hosil qiladi. Peshtoq qismida esa ko’k fonda Qur’on oyatlari arab yozuvida ishlangan. Bu uning ulug'vor go'zalligini his qilish imkonini beradi.