Kubizm uslubida yaratilgan ushbu kartinada rassom musiqa, san’at ohanglarini o’zgacha uslubda tasvirlaydi. Asar personaji boshida do’ppi kiygan, qo’llarida esa milliy cholg’u asbobi-rubob ushlagan holda kuy chalmoqda. U o’z hayollari bilan band. Obraz qiyofasi rassom his qilgan ichki ritm orqali tasvirlangan. Bir qarashdayoq asar qahramonining tashqi ko’rinishi 90 yillar musiqa san’ati yulduzlarini esga soladi. Kaloritda esa asosan to’q va och ranglardan foydalanilgan. Ushbu ranglar tekisliklarining kontrasti yordamida yangicha uyg’unlikdagi ranglar notalarini yaratgan. Bu kartinaga o’ziga xoslik berib, tomoshabin e’tirofiga sazovor bo’ladi.