Maishiy janrda ishlangan ushbu kartina oddiy xalq hayotidan olingan bo`lib, qishloq aholisining yashash sharoitini o`zida aks etgan. Rassomning hayotiy kuzatishlari asosida yaratilgan ushbu mavzu kompozitsyaning tuzilishiga asos bo`lgan. Tasvir markazida barcha xalqlar uchun muhim ashyo hisoblangan ikki tabaqali o`choqni ko`rishimiz mumkin. Aynan shu asar g`oyasini ma`lum darajada ochib bergan hamda atrofdagi detallar orqali rassom buni tomoshabinga tushuntirishga harakat qilgan. Syujetning asosini tashkil qilgan o`choq yengil boshpana bilan yopilgan. Kartinada yashil kalorit yetakchilik qilgan. Hovli bo`ylab tarqalgan daraxtlar tasvirning o`ziga xos qiyofasini yaratgan. Har tarafga oynayotgan soyalar esa kompozitsyaning ta`sirchanligini ta`minlagan.