Kartina yo’lga chiqqan uch nafar otliq yo’lovchining holati haqida “so’zlaydi”. Ijodkor to’q ranglardan foydalanganligi sababli tomoshabin ayni vaqt tun pallasi ekanligini tez fahmlaydi. Otliqlarning qiyofasidan ular juda shoshishayotgani, shu sababli tun bo’lishiga qaramay, oy yorug’ida yo’llarini davom ettirishayotganini ko’rish mumkin. Chizgilardan otliqlarning qiyofalarini aniq bilish qiyin. Syujet nihoyatda sodda bo’lishiga qaramay, ijodkor kompozitsiyani mayda detallardan uzoqlashtirgan. Kartinada sof va yorqin ranglardan foydalanish orqali tasvir chizgilarini yanada mukammallashtirgan.