Ushbu kartina mashxur rang-tasvir ustasi, O’zbekiston xalq rassomi Ro’zi Choriyevning avtoportreti hisoblanadi. Ijodkor qahramonni butunlay “oqlikka” burkagan. Qordek oppoq soch, soqol va qoshlar buyuk ijodkorning ulug’ yoshdaligini, shuningdek, qahramonning o’zgacha salobat va viqor egasi ekanligini ko’rsatib bergan. R. Choriyevning yuz qismi yon tarafdan tasvirlangan bo’lib, yelkalari biroz qiya xolatda aks etgan. Nigohidagi o’ychanlik va sinchikovlik qahramonning chuqur o’yga tolganligini izohlab bergan. Kartina kuchli mahorat sohibi qalamiga mansub ekanligini bir qarashdayoq tomoshabin anglab yetadi.