Kartinada barcha uchun tanish hodisa “To’y” marosimi tasvirlangan. Hamma xursand, baxtiyor. Kimdir raqsga tushmoqda, yana kimdur doira chalmoqda, kimdir ashula aytmoqda. Syujet nihoyatda soda bo’lishiga qaramay, ijodkor perspektivni buzib, kompozitsiyani mayda detallardan uzoqlashtirgan. Asarni murakkab silliq chiziqlar bilan bir nechta tekisliklarga bo'lgan va u joylarni sof, yorqin ranglar bilan to'ldirgan. O’z navbatida kontrast ranglarga ham urg’u bergan. Ijodkor personajlarning batafsil chizilishidan voz kechgan. Bu esa estetik zavq hissini yanada kuchayishiga sabab bo’lgan.