Manzara janrida ishlangan ushbu kartinada Samarqand tog’lari bag’rida joylashgan kichik qishloq tasvirlangan. Assosiy planda o’rin olgan ushbu manzara sodda turmush tarzini kuylaydi. Kartinada ishlangan bir-biriga tutashib ketgan pastxam uylar, quyuq daraxtzor, terak uchlarining yengilgina shamol sabab ohista tebranishi tasvirni jonlantiradi. Rassom ushbu figuralarga inson obrazini ham qo’shdi. Ulug’vor va mag’rur tog’lar esa fon sifatida ishlatilgan. Uning keskin, baland, osmonga tutashgan cho’qqilari uzra oppoq bulutlat suzib yuribdi. Shu bilan birga muallif quyuq va yorqin ranglar bilan, yengil soyalar yordamida manzara konturlariga alohida urg’u berib o’tdi. Muallif asarda tabiatning nozik chizgilarini mag’rur tog’lar orasida qaynoq hayot mavjudligi, tabiatning go’zalligini mohirona tomoshabinga yetkaza olgan.