Ganiyeva Shoira Maxmudjanovna 1952 yil 23 iyulda Samarqand shahrida tavallud topgan. U Tabiiy va maxsus bo’yoqlar dizayn ustasi sanaladi (холодный и горячий батик, техника тай дай). Ijodkorning bu san’atga bo’lgan qiziqishi yoshlik chog’idan paydo bo’lgan bo’lib, u o’z sulolasining oltinchi avlod hunarmandi sanaladi. Rang berishning o’ziga hos sir-sinoatlari davrlar osha oila vakillariga meros sifatida o’rgatib kelingan. Yangi vakil esa bu merosni yanada boyitib, takomillashtirib borgan. Ganiyeva Shoira o’z ishlarida ustalar mahorati va maxsus rasm texnikasiga qiziqishni o’zaro uyg’unlashtira olgan. Ishlar nihoyatda jozibador bo’lib, unda mashaqqatli mehnat o’z aksini topgan.