Ushbu kartina o‘ta yorqin va hayotiy quvvatga ega. Unda jamiyat uchun eng muhim quvvat manbasi hisoblangan oila ramzi anor tasvirlangan. Ijodkor “Anorli yurt”ni uch qismda ko`rsatgan. Asarning asosiy mazmuni millatimizga xos oilaviy qadriyatlar hisoblanadi. Birinchi qismda xalqona an`analar hamda qadriyatlar o`z aksini topgan. Markazda tasvirlangan nuroniy jamiyat birdamligiga ishora qilayapti. Yuqorida choynak sirtida choyxonani, tepasida pastak tandirda pishirilgan nonni ko`rishimiz mumkin. Chap tarafda bayramona taom tortishga hozirlanayotgan oshpaz, yonidagi ma`yus odam hamda qo`shiq kuylashga chog`lanayotgan bola obrazi bir qarashdayoq sizni milliy o’zbekona ruhni his qilishingizga sabab bo’ladi.