Ushbu kartina o‘ta yorqin va hayotiy quvvatga ega. Unda jamiyat uchun eng muhim quvvat manbasi hisoblangan oila ramzi anor tasvirlangan. Ijodkor “Anorli yurt”ni uch qismda ko`rsatgan. Asarning asosiy mazmuni millatimizga xos oilaviy qadriyatlar hisoblanadi. Ikkinchi qismda to`yni ko`rishimiz mumkin. Markaziy qahramonlar kelin hamda kuyov. Ular qo`lida anor ushlab olishgan, kelgusi hayotlari osuda va mustahkam bo`lishi uchun. Bundan tashqari u yerda qalampirmunchoq naqshi solingan libos ham mavjud, u ham xotirjamlik belgisi hisoblanadi. Yon atrofda to`y taraddudi bilan mashg`ul shaxslar yoritilgan, kimdir kuy chalayapti, yana kimlardir meva keltirmoqda. Asarda qizil rang yetakchilik qilgan, bu esa sevgi va quvonchga ishoradir.