Kartinada hozirgi O’zbekistonning qadimiy shaharlaridan biri – Buxoro shahri tasvirlangan. Ijodkor orqa fonda ana shu betakror shaharning go’zalligini rangin bo’yoqlar yordamida tasvirlagan bo’lib, unda Buxoroning qadimiy inshoatlari va uning pishiq, gʻishtdan koʻtarilgan sernaqsh mehrob devori, shuningdek jome masjidining minorasi -Minorai Kalon, Buxoroning goʻyoki betakror ramzi hisoblangan Mag’oki Attori masjidi rangin bo’yoqlar yordamida aks ettirilgan. Buxoro Buxoro Buyuk ipak yo’lida yirik tijorat markazlaridan biri boʻlgani uchun, kartinaning old qismida tuyalardan saf tortgan yirik karvon tasvirlangan. Karvonboshi va safar ahli o’sha davr liboslarida bo’lib, muhtasham shahar go’zalligidan hayratlanib borishmoqda. Tasvirda to’q ranglardan foydalanilgani uchun, tomoshabin ayni vaqt tun pallasi ekanligini anglashi qiyin emas. Asosan to’q ko’k, qora, to’q jigarrang, yashil va sariq ranglardan foydalanilgan. Bu esa tasvirni yanada jilokorligini ta’minlab bergan.