Rassom asarda chavandoz ayol qiyofasini gavdalantiradi. Unda tabiat qo’ynidagi ot ustida chavandoz ayol, uning chap tomonida esa ot uzangini ushlab turishga shay obraz ishlangan. Bilamizki, odatda chavandozlik bilan erkaklar shug’ullangan va bu ulug’vorlik belgisi hisoblangan. Rassom o’zgacha tanlov orqali chavandoz ayol obrazida yovvoyi kuchni bo'ysundiruvchi go'zallikni tasvirlashga harakat qilgan. Bu Sharq xalqlari madaniyatiga xos jihatlardan biridir. Rassomning mahoratini nafaqat tanlanagan yorqin kalorit balki, mayda detallarga qadar e’tibor berilganidan ko’rishimiz mumkin. Ayol chavandoz yuz ifodasi aniq sezilmasada, tomoshabin uning libosi, ot jilovidagi mayda qilib terilgan munchoqlar orqali uning ayol kishi ekanligini sezishi mumkin. Asar bir vaqtning o’zida qudrat, ulug’vorlikni go’zallik va nafosat bilan uyg’unlashtirilgan.