O’zbek oilasining asosiy o’ziga xos xususiyatlari mehmondo’stlik, kattalarga an’anaviy hurmat-ehtiromi hisoblanadi. Ushbu kartinada ham ijodkor ana shunday tuyg`ularni ko`rsatib bergan. Olisdan to`y karvoni yo`lga chiqqan, yaqinlari kelinni yangi uyi tomon olib ketishmoqda. Bunda har bir obrazda o`ziga xoslik mavjud. Karvon boshida qariya tasviri voha madaniyatiga xos hamjihatlik, yoshi ulug’larga nisbatan xurmatni ko’rsatib turibdi. Qarindoshlar kelinni sepini tuyaga ortib borishmoqda. Biz bilamizki tuya qat`iyat va ishonch ramzi hisoblanadi. Insonda aynan shular bo`lsagina o`ylagan maqsadiga erishadi. Aynan shunisi bilan ijodkor tomoshabinni birdamlikka chorlaydi. Asarda surnay chalib ketayotgan odam, bir qancha ayollar va to`y uchun atalgan qo`ylarni ham ko`rishimiz mumkin. Bu ham urf-odatlatimizni butun boricha ko`rsatib bergan.