Kumushkon deb nomlangan ushbu asarda rassom shu nom bilan ataluvchi dam olish maskanining hali inson qo’li yetmagan tabiat manzarasini tasvirlaydi. Kartinada tog’lar asosiy predmet sifatida tanlanib, bir vaqtning o’zida bir-biriga zid qiyofada: toshloq, burchaklari keskin chiqadigan, yumshoq egilgan, elastik o'tli gilam bilan qoplangan, "yalang'och", lekin ayni paytda ulug'vor holda tasvirlangan. Rassom asarda ramziy ma’noda tog’lar oraqali erkinlikni kuylaydi. Muallif ob’ektning kaloriti orqali u haqida xabar berib, yengil soyalar yordamida esa tog’ cho’qqilari konturlari ajratib ko’rsatadi. Landshaftni jonlantirish uchun ishlatiladigan figuralar quyuq yoki yorqin ranglar bilan soyalalantiradi. Quyosh chizig’ida tasvirlangan kartinada o’tlar va maysalarning zichligi, och jigarrangning qoya oralab berilishi tog'ining qiyaligini yaqqol ko’rsata olgan. Unda rassom tabiiy yorug'lik ostida to'g'ridan-to'g'ri ochiq tog' landshaftlarining ohanglari, soyalari va musaffo havoni tomoshabinga yetkazishga urinadi.