Manzara janrida ishlangan ushbu kartina har bir tomoshabinni chuqur mulohazaga chorlaydi. Rassom ushbu asari orqali tabiatdagi ekologik muvozanatning buzulishi va uning ayanchli oqibatlarini ko’rsati bergan. Bu yerda neft daryoga to`kilib butun atrofga o`zining zahrini tarqatayotgani, natijada atrof yo`qlik qa`riga singib ketayotgani aks etgan. Birinchi planda qurib qolgan daraxt va uning ustida qora qag`ani ko`rish mumkin. Qora rang xavf va muammoning belgisi hisoblanib, qarg`a ushbu ayanchli manzarani yuqoridan kuzatmoqda. Chunki u aynan shunday jarayonlardan o`ziga manfaat va yegulik oladi. Tasvirlangan har bir detal tabiatni yemirilib borayotganiga ishora qilgan. Bu orqali ijodkor sof realizmni tomoshabin ongiga singdirishga uringan.