Asar markazida tasvirlangan olomon to’dasi rang-barang kalorit yordamida yoritilgan. Unda qochoqlar yuklarini ortgancha tunda, yashirincha o’z ko’zlagan manzillari tomon yo’l olmoqda. Obrazlar qiyofasi bir-biriga aralashib ketgan, ularni faqatgina gavda tuzilishi bilan ajratib olsa bo’ladi. Muallif dara manzarasini qizil rang bilan ifodalaydi, bu esa markazdagi kompozitsiyani yanada aniqroq ochib berishga yordam beradi. Bir qarashdayoq kompozitsiyadagi qahramonlar dinamikasi, tanlangan manzara va ishlatilgan kalorit yagona mukammal asarni yaratishda muallifning mahoratini ko’rsata olgan desak yanglishmagan bo’lamiz.