Muallif tomonidan tanlangan ushbu mavzu maishiy janrda ishlangan. Unda bir guruh odamlarni o’ziga qaratib o’tirgan, bekorchi obraz qiyofasi gavdalantirilgan. Asar kompozitsiyasi ikki qismga ajratilgan. Birinchi qismda safsataboz o’zining baland-parvoz so’zlarini aytish bilan band. Ikkinchi qismda esa unga mahliyo bo’lgan, ammo shubha bilan qarovchi personajlar qiyofasi gavdalantirilgan. Asar qahramonlarining joylashuvi kompozitsiya muvozanatini ushlab turibdi. Barcha e’tibor o’ng qismga qaratilgan. Rassom tomonidan yorqin va rangbarang kaloritdan foydalanish voqelik ruhiyatini kuchaytirib ko’rsatishga xizmat qilgan. Muallif asarda hech qanday falsafiy mazmun berishga urinmagan, u shunchaki odatiy hayotimizda ko’p uchrovchi safsatabozlar haqida tomoshabinga qayta eslatib o’tgan xolos.