Surxondaryolik qishloqdoshlarning obrazi aks ettirilgan asar. Ushbu kartina triptix bo’lib, asar umumiy badiiy gʻoya hamda mavzu bilan birlashtirilgan.Obrazlarning barchasi oddiy surxandaryoliklar sanaladi. Uchinchi qismda daraxtlar, davr ruhiyatini ko`rsatib beruvchi uylar va o`tov tasvirlangan. Bu esa o`tovda yashash an`anasi bugungi kunda ham saqlanib qolganligini ko`rsatadi. Asar markazida chanqovuz chalayotgan ayolni ko`rish mumkin. Bilamizki, chanqovuz surxon madaniyati va milliyligi timsoli sifatida qadrlanadi. Bu orqali ijodkor voha odamlarining an`analarga sodiqligi va qadriyatlarga muhabbatini ochiq ko`rsatib bergan. Chanqovuz chalayotgan ayolning boshida dakana va lachak bo’lib, u surxandaryolik o’rta va katta yoshli ayollar kiyadigan bosh kiyimdir . Ayolning atrofida esa turli qahramonlar gavdalantirilgan: kimdir taom hozirlamoqda, yana kimdir bolasini opichgan. Asarda ijodkor ranglardan mohirona foydalangan bo’lib, bu tomoshabinni tasvirni yaxshiroq anglashiga yordam beradi.