Kartina yorqin, zavqli, ko’p qirrali bo’lib, bir qarashdayoq tomoshabin uning ma’nosini anglashga ikkilanadi. Asar oq-qora, sariq va to’q jigarrang ranglarning uyg’unligi asosida tasvirlanib, ijodkor bu bilan o’z mahoratini ko’rsata olgan. Asar syujeti nihoyatda go’zal. Inson tushining chalkash, ammo orzuga boy, umidga to’la xolati aks etgan. To’lqinlar inson tuyg’ularining oqimi, tushdagi baliq esa rizq- ro’z, boylik va baraka timsolidir. Ulkan baliqqa minib olgan yigit charxpalak yoqasidan suv olayotgan qizga mahliyo bo’lib qolgan va uni eslab surnaydan mahsun kuy chalayotgan holati aks etgan. Kartinani tomosha qilgan inson ichki tuyg’ularini oshkor qilish insonga huzur baxsh etishini anglab yetadi.