Rassom ushbu asarda uzoq kutilgan uchrashuv manzarasini tasvirlaydi. Unda qahramonlarning yuz ifodasi aniq ko’rsatilmagan bo’lsada, obrazlar gavda tuzilishi, joylashish pozasi va dinamikasi orqali ichki kechinmalar, tuyg’ularning aks-sadolari kartinaning butun atmosferasida yangraydi. Personajlar bu uchrashuvni anchadan buyon kutganligi sezilib turadi. Balki bu uchrashuv uzoq safardan qaytgan yorini kutgan ayol quvonchini, balki yosh ko’ngillarning visol soniyalarini muhrlagandir. Rassom mahorati tufayli tomoshabin asarda aynan o’zi ko’rishni xohlagan, intilgan samimiy tuyg’ularni his eta oladi.