O‘zbekiston amaliy san’atining go’zal na’munasi sifatida ushbu Anoru- Angur namoyonini aytish mumkin. Ushbu noyob namoyon 270*195 sm o’lchamda bo‘lib, qizil rangli baxmal yuzasiga zardo‘zlik uslubida naqshlar tikilgan. Usta “zardo’zi-guldo’zi” va “zardo’zi-zamindo’zi” uslublarini qo‘llagan holda anor va uzum naqshini ishlagan Shuningdek, qizil baxmal yuzasi zarxal va kumush iplar bilan bezatilgan. Asosi murakkab geometrik naqshdan iborat bo’lib, dumaloq doira ichida uzum shokilasi va barglari ishlangan. Doira tashqarisida esa anor novdalari mevasi bilan birga tasvirlangan. Hoshiyasi keng, uzum novdalari va yaproqlari tog’ri chiziq holida joylashtirilgan. U bo’rtma zarxal chok bilan chegaralangan. Naqshlar “zamindo‘zi” uslubida bajarilgan. “Zamindo‘zi” mumtoz naqshinkor choklar bo’lib, zardo’zlarning urf-odatlari, badiiy madaniyati va texnik mahoratini o’zida aks ettirgan.