Kartina muallifi o'z asari nomini «Ayol qalbi» deb nomlar ekan, uni ochish uchun turli xil ramziy elementlardan foydalanishga uringan. Asar kompanovkasi oddiy bo'lib, undan birinchi planni paranji o'ragan ayol o'rin olgan. Ayol yo’lak tomon sekin yurib ketmoqda. Qarshisida esa yog’och yo’lakcha turibdi. Bu yo’lak orqali esa rassom ayolning qalbini ochib berishga harakat qilgan. Yo'lakcha qorong'u va tushunarsiz. Uning tashqarisida esa ayolning ushalmagan orzulari narvon timsolida berilgan. Rassom o'z dunyoqarashi bilan Ayol qalbini yog'ochga tenglashtirilgani va uni bo'm bo'sh ishlangani ayolning moslashuvchan, har qanday vaziyatga ko'nikuvchan ekanligini ko'rsatishga intilgan.