Ushbu asarda bahor faslining betakror tabiati namoyon bo’ladi. Daraxtlarning yam-yashil libos kiyganligi, suvning kumushrang tiniq tusi, daraxtzor oralab kartina tubiga kirib ketayotgan manzara uyg'un, xushbo'y simfoniyaga aylangan. Binafsha gul yaproqlari esa manzaraga yanada joziba baxsh etgan. Moviy osmon porlamoqda, quyosh nurlari daraxt shoxlari oralab maydonni yoritmoqda. Kaloritning boyligi kartina kompozitsyasining asosiy mazmuni ochib beradi. Rassom uslubidagi chizmalar nafisligi, ranglar uyg‘unligi va tanlangan manzaraning mutanosibligi orqali soyalarining butun palitrasini mohirona yetkazishga harakat qilgan. Ushbu kartina kolleksiyaning durdonasi bo’la oladi.