Impressionism uslubida yaratilgan ushbu asar bahor tengkunligini tasvirlaydi. Sharq xalqlarida bu kun bayram sifatida nishonlanadi Kompozitsiyada juda ko’p obrazlar qiyofasi gavdalantirilib, ularning har biri o’z mashg’uloti bilan band. Bir guruh personajlar dasturxon atrofida noz-u ne’matlardan bahramand bo’lmoqda, kimdir egarlangan oti yonida, qozonda taom pishirilmoqda. Obrazlar liboslari va chor-atrof manzarasida yorqin kaloritdan foydalanilgan. Bu tengkunlikda ayozning qahraton sovuqlari chekinib, iliq, rang-barang bahor kelganiga ishora qilmoqda. Asar qahramonlari yuz ifodasi aniq tasvirlanmagan bo’lsada, ularning dinamikasi, mohirona tanlangan voqelik tomoshabinga iliq, ko’tarinki kayfiyat bera oladi.