Muallif ushbu asarda oddiy kundalik manzaralardan biri bo’lgan bozor syujetini tanladi. Asar markazi bozorga o’z mahsulotini olib chiqqan beshikchilar va turli rang-barang uzorlarga ega matolardan ishlangan beshiklar e’tiborni tortadi. Orada uchrovchi xaridorlar personajlari esa turli qiyofada tasvirlanadi. Ularning yuz ifodasi, dinamika va joylashtirilish pozasi asar mazmunini yanada boyitadi. Bino devorlarining arxitekturaviy yechimi, tanlangan ranglar kartina tegishli davrga ishora qiladi. Kompozitsiyada obrazlar gavjum bo’lmasada, asar bo’sh ko’rinmaydi. Kartinada oddiy sodda turmush manzarasi, kundalik bozor qiyofasi gavdalantirilgan. Ushbu ishning o’zi xosligi ham oddiyligi bo’lib, bu manzara soddaligi bilan har bir odamga yaqin, shuning uchun ham ular qalbni isitadi va iliq tuyg’ularni uyg’otadi.