Birinchi qor qishning ilk nafasini olib kelgan hodisadir. Asarda undagi betakror go’zallik aks ettirilgan. Butun borliq oppoq libosga burkangan. Unga qarab qishning sovuq nafasini sezasiz. Qor bilan qoplangan adir va tog’lar ritmini moviy osmonga suzib yurgan bulutlarning ohista harakatida ham sezish mumkin. Kech kuzgi ushbu manzara tabiatning sovuq, o’z navbatida tanaga tetiklik baxsh etuvchi sof havosini ham tuyushingizga yordam beradi. Bir qarashdayoq asar xuddi fotosuratga o’xshaydi. Ammo unga yaqinroq kelsangiz rassom mo’yqalamining ohista harakatini his qilasiz va bu sizga o’zgacha zavq baxsh etadi.