Kartinada o‘z vaqtida buyuklik, qudrat va o‘tib bo‘lmaslik timsoli bo‘lgan Buxoro Arki tasvirlangan. Ijodkor asosiy planda Arkning old qismi, asosiy kirish darvozasini ko’rsatib berishga hrakat qilgan. Go’zal va betakror inshoat hisoblangan obida tepalik ustiga qurilgan bo’lib, Arkning maydoni tarhi to’rtburchakli devor bilan o’ralgan holatda tasvirlangan. Kartinada devorlar tosh, pishiq va xom g’isht, paxsa bilan ishlangan holda tasvirlangan bo’lib, to’q jigarrangda aks etgan. Inshoatni tomosha qiluvchi sayyohlar devor bo’ylab sayr qilishayotgan bo’lsa, yosh bola yetaklagan sayyoh ko’tarilib boruvchi yo’l orqali ulkan darvoza tomon borayotgan holda ifodalangan. Kirish darvozasi oq rangda, yonida qad ko’targan ikki minora esa jigarrangda tasvirlangan. Ijodkor nur-soyadan foydalangani sababli tasvir jonli va tabiiy aks etgan. Asarni tomosha qilgan tomoshabin o’zini Buxoro Arkida sayr etgandek his etishi shubhasiz.