Kartina manzara janrida ishlangan bo'lib, rassom unda tabiat va quyosh nurlarini betakror landshafda uyg'unlashtirib ko'rsata olgan. Tosh zina poyalardagi quyosh nuri tushgan qismi oqartirilib daraxt soyasidan ajratilgan. Bu esa nur va soya o'yinini tasvirlashga imkon bergan. Hayvonlar va odamlarning rang barang figuralari, majnuntol novdalarining ohista harakati, suvning sokin tebranishiga qo'shilib, asarda suv va havo harakatini paydo qilgan. Natijada kartinada bir qarashning o'zida bemalol sharqona turmush tarziga xos bo'lgan ichki uyg'unlik yuzaga kelgan.