To`n, chopon-ustki milliy kiyim. Avra-astarli, uzun, yengli, tik yoqali, oldi ochiq. Bichimi to`g`ri bichimli. Avrasi ko’k baxmal. Bezaklari guldo`zi va zamindo`zi usulida tikilgan. Bezaklari uchun dastlab naqsh chizilgan, so`ngra tayyor sidirg`a baxmal matoga qadab chiqilgan. Zar ip bilan bir tomonlama qoplab tikilishi natijasida biroz bo`rtma naqshgul hosil bo`lgan. To’nning yoqasi bo’ylab bodom gul naqshi tushirilgan. Bu usul qadimdan qimmatbaho to`nlarga ishlatilib kelingan va bunday to`nlar asosan amir, uning oila a’zolari va amaldorlariga xos bo`lgan. Bu to`nning badiiy qimmati uning naqsh mujassamoti bo`lib, u zardo`zning did va nafosatini ko`rsatib bergan.