Bulutli ilk bahor oylari. Osmonni to’ldirgan qora bulutlar yomg’ir yog’ishiga tayyorlanmoqda. Unga qarab yaqinlashib kelayotgan momaqaldiroq kayfiyatini hamda nam havoning to'liq og'irligini his etasiz. O’z navbatida kompozitsiyani mukammal ko’rinishga keltirgan moviy dengiz, ulkan tog’lar va yam-yashil adir bo’ylab ochilgan moychechak hamda binafshalarning mayin tebranishi ijodkor mahoratidan darak berib turadi. Kartinada viqorli tog`lar yaqqol ko`zga tashlanadi va bu inson qanchalik o`zini kuchli his qilsa ham buyuk yaratuvchining qudrati oldida ojiz ekanligini ko`rsatadi.