Asar manzara janrida ishlangan bo`lib unda kuzning o`zgacha qiyofasi aks ettirilgan. Tabiatning holati doim inson kayfiyati bilan mos keladi. Ushbu kartinada ham rassom o`z ruhiy holati bilan manzarani uyg`unlashtirishga harakat qilgan. Kartinada syujetning asosiy komponenti eski va ulug`vor daraxt, qolganlari esa shunchaki bezak, fon. Aynan shu daraxt orqali ijodkor kompozitsyaga sokin va osoyishta muhitni yaratib bergan. Barglar sarg`ayib yerga to`kila boshlagan vaqt, shuning uchun ham atrofga sariq kalorit yetakchilik qilgan. Bu esa asarga shukuh bergan. Tomoshabin aynan shunga ergashib, o`zini bog`da bemalol sayr qilayotgandek his qiladi. Atrof go`yo tomoshabinni qo`yib yuborgisi kelmay o`rab oladi.