Ushbu kartinada Eski shahar kundalik hayoti poetik tarzda namoyon etilgan. Kartina syujeti shaharning tor ko’chalari, kichik uylarning so’zsiz devorlari orasidagi osuda hayotni tasvirlaydi. Kompozitsiya kaloritida hayotni tasdiqlovchi yorqin ranglardan foydalanilgan. Manzaraning barcha detallari: loyqalanib oqayotgan anhor suvi va uning qirg’oqlari g’adir-budir burmalari, anhor etagidagi maysalar, yakka-yakka uchrovchi daraxtlar barcha tafsilotlariga qadar aniqlik bilan ishlangan. Kartinada quyosh ko’rinmasada, uning borligi yorqin belgilar, to'yingan soyalarda namoyon bo’ladi. Asar samimiy, sodda ruhiyati bilan tomoshabinni o’ziga jalb qiladi.