Ushbu asar fontan ko`rinishida bo`lib, asosan bezak yoki sovg`a uchun ishlatiladi. U bir qarashda globusni esga soladi, go`yoki ijodkor shu kichik favvorada butun yer yuzini sig`dirgandek. Asosiy ko’za tayanch qismni o’taydi. Atrofdagi kichik ko’zachalar esa suvni pastga sizib chiqishi uchun mo’ljallangan. Kulol asarni pardozlashga ortiqcha hashamdorlikka yo`l qo`ymagan holatda dumaloq bezak detallaridan foydalangan. Bu esa asar jozibadorligini to`liq ta`minlagan. Asarda ishlatilgan yashil-sarg`ish hamda qizg`iz ranglar o`zaro uyg`unlashgan, bu esa o’zaro mutanosib rang kombinatsyalarini hosil qilgan. Natijada tinchlantiruvchi va hordiq chiqarishga yordam beruvchi uyg’un asar vujudga kelgan.