Manzara janrida ishlangan ushbu kartina “Ijand” deb nomlanib, bir qarashda tomoshabinni o’ziga jalb qiladi. Asar birinchi planida adir manzarasi tasvirlangan, uning ortidan shahar qiyofasi bo’y ko’rsatib turibdi. Eng so’nggi qism esa moviy osmonga tutashib ketadi. Dastlab tomoshabin nigohi yashil manzaraga tushadi va bu yashil yo’lka uni kichik rang-barang shakllarga o’xshab ko’rinuvchi uylar tomon eltadi. Kartina syujeti bir-biriga bog’liq tarzda ishlangan. Asarda rassom tomonidan ishlatilgan kaloritning boyligi kartinani jozibasini oshirgan va ko’zlangan maqsadga erishishga yordam bergan. Ushbu kartina bizni o’rab turgan olamning go’zalligini kuylaydi.