Tog' daralari va unda mavjlanib oquvchi daryolar qadimgi va zamonaviy rassomlarning asarlarida tez-tez uchrovchi go'zal mavzulardan biridir. “Kul darasi” deb nomlangan ushbu kartinada Hisor tog’ tizmasidagi Oq daryo tasvirlangan. Asar ikki qismdan iborat. Bu qismda daryoning boshlanish nuqtasi ifodalangan. Rassom kompozitsiya yuzasini qoyalar bilan to’ldirib, markazda Oq daryoni joylashtiradi. Bu esa asarda dara qiyofasini mukammal tasvirlashga yordam berdi. Dara orasidan oqib o’tuvchi daryo hali muzlab ulgurmagan. Uning moviy rangi, suv tiniqligi fikrimizni tasdiqlagandek go’yo. Dara qoyatoshlari juda tik va yirik harsangtoshlar tomoshabinda hayrat va vahima uyg’otadi.