Lagan (bazan lali deb ham atash mumkin) qizil misdan ishlangan bo’lib, o’tga chidamli sanaladi. Uning markazida Poyi Kalon ansanbilining bir qismi sanalgan Minorai Kalon ishlangan. U Buxoroning o’ziga xos me’morchiligini ko’rsatib beruvchi, shahardagi eng baland inshoat hisoblanadi. Zamini poʻlat qalam (asbob)lar yordamida sayoz oʻyilib, lok bilan bo’yalgan, pardozlangan. Bino shaklini chiqarib ishlov berishda chekma, uyma, katak, parallel kesma chiziqlardan foydalanilgan. Atrofi hoshiyalangan, yuqori va pastgi gardishda lola naqshi tushirilgan. Pastki qismida arab yozuvida “Buxoroyi sharif ” 2019 yil so’zi o’yib yozilgan.