Ushbu kartina o’zbek mumtoz adabiyotining durdonalaridan biri sanalgan Alisher Navoiyning Lison ut-tayr asari asosida yaratilgan. Kartina syujeti va bosh gʻoyasi xuddi asarnikiga o’xshash bo’lib, unda inson ko’ngli turli bilimlar xazinasi ekani va unda Olloh yashirin ekanligi e’tirof etilgan. Bu orqali esa inson ulug’langan. Birinchi planda milliy libosdagi ayol, yon atroflarida va qo’lida turli qushlar tasvirlangan. Ayol libosida asosan yorqin kaloritdan foydalanilgan, bu personajning fondan yaxlit ajralib turish imkonini bergan. Orqa fonda tasvirlangan qushlar asosan to’q ranglarda ishlangan bo’lib, u asar qahramonlari asosan qushlardan iborat ekanidan darak berib turibdi. Shuni aytishimiz kerakki, adabiyot ixlosmandlari hamda keng dunyoqarash egalari uchun ushbu kartina ajoyib sovg’a bo’lib xizmat qiladi.