Sevgi tuyg’usi bor ekan uning yonida “Devonai Majnun” ismini doim eshitib kelamiz. Chunki, Majnun shunchaki sevgini emas, balki, ijohiy sevgining timsolidir. Ushbu kartinada yorining ishqida devona bo’lgan Qays - “Majnun” nomi bilan tillarda doston bo’lgan yigitning siymosi aks etgan. Ishqdan devona bo’lgan yigit soy yoqasida yorining visolini o’ylab, dard chekkan holatda tasvirlangan. Yigitning liboslari yo’q, mayus ahvolda. Qaldirg’ochlar ham yigitning dardiga sherik bo’lishni xoxlagandek, unga yaqin uchishmoqda. Daraxtlar ortidan esa uning sevgilisi Layli yorini ahvolidan xabar olgani kelgan holati aks etgan. Qiz otda tasvirlangan bo’lib, bu uning yorini ko’rish maqsadida uzoq yo’l bosganidan dalolat beradi. Ikki qalbning iztiroblarini ijodkor tasvir ranglarini bir oz xira ishlash orqali ko’rsatib bergan. Bu bilan ijodkor g’am chekayotgan qalb uchun tabiat manzarasi ham hissiz va rangsiz bo’lishini takidlab o’tgan.