Xattotlik san`ati Sharq mamlakatlarida o`ziga xos alohida yo`nalish kasb etgan, maxsus ixtisos darajasiga ko`tarilgan qadimiy va bebaho san`atdir. Bu san`atning asosi arab yozuvidir. U ko`pgina me`moriy obidalarning bezagi bo`lib xizmat qilgan va bugungi kungacha o`z qiymatini yo`qotmagan. Xususan, ushbu mehrobni ham xattotlikning betakror namunasi sifatida ko`rishimiz mumkin. Mehrob peshtoqining o`ng tarafida “Olloh”, chap tarafida “Muhammad” so`zlari bitilgan. O`rtasida esa “La ilaha illolloh, Muhammadur rosululloh” kalimasi keltirilgan. Kishi diqqatini jalb qiladigan yana bir e`tiborli jihati yozuvga tilla rang bilan ishlov berilganidir. Bu kabi namunalar o`z navbatida xalqimiz ongi-shuurini bezab, ma`naviyatini yuksaltiradi.