Maishiy janrda ishlangan ushbu kartina asosiy planida bobo va uning nabiralari tasvirlanadi. Qahramonimiz o’zi ilhomlangan tabiat manzarasini tasvirlash bilan band. Bir necha nabiralari esa uning atrofida aylanib ishni tomosha qilishmoqda. Ular turli poza va qiyofada tasvirlangan. Ammo asardagi eng muhim detal bu molbertdir. U uncha katta bo’lmagan, ammo asarning markazida ishlangan. Bu qahramonimizning rassom ekanligini takidlab turadi. Fikrimizning yana bir isboti: muallif kartina fonini bir xil sariq rangda ifodalashi va bu manzara aynan shu kichik kartinada namoyon bo’lishidir. Buday o’zgacha yechim tomoshabin e’tborini o’ziga jalb qiladi. Asar voqelikni idrok etishini tomoshabinga yuklamaydi: undan beg’ubor bolalik, yoqimli xotiralar va ijod zavqini his etish mumkin.