Kartina kampozitsiyasi nihoyatda qiziq va dilga yaqin mazmunga ega. Qalbga orom baxsh etadigan ilohiy hissiyotlar unda jamlangan. Asar markazida hovuz tasvirlangan bo’lib, tomoshabin uni yuqoridan kuzatadi. Hovuzning ichki qismida “Shahodat kalimasi” (arabchadan tarjima qilganda “guvohlik so’zlari” sanaladi) arab yozuvida yozilgan bo’lib, unda „Allohdan oʻzga iloh yoʻq. Muhammad Uning rasulidir“ so’zi bitilgan. U islom dinidagi 5 asosiy rukndan birinchisi — imonning asosidir. Yozuvning kamalak misoli turli ranglar uyg’unligida ishlangan bo’lib, bir qarashda suv jilvalanayotganga o’xshaydi. Bu esa asarning ta’sirchanligini yanada oshiradi.