Ushbu kartina natyumortning yana bir na’munasi bo’lib, turfa rangin ranglarni o’ziga qamrab olgani bilan diqqatga sazovordir. Kompozitsiyaning markazida moviy rangli vazada turli gullardan ajoyib guldasta tasvirlangan. Unda atirgul, chinnigul, romashka va boshqa turfa gullar bo’lib, inson ruhiyatiga o’zgacha zavq va ko’tarinkilik bag’ishlaydi. Vaza atlas nusxa dasturxon ustida qo’yilgan. Dasturxonda “sevgi” va “oila” ramzi anor, olma, behi va boshqa ko’pgina mevalarni ko’rishimiz mumkin. Ijodkor kartinani tasvirlashda ko’k, sariq, qizil, jigarrang, oq va pushti ranglardan foydalanib, tasvirning jilosini yanada oshirgan.