Bir qarashda sodda ko’ringan ushbu natyumort, aslida hosildorlik, mo’l-ko’lchilik, farovon hayotni ko’rsatib beradigan oyna. Kuz qanchalik barakali kelsa, qishning achchiq qamchisi shunchalik o’tmas bo’ladi. Kartinaning asosiy syujeti xontaxta ustida solingan to’q yashil dasturxon va uning ustidagi turfa xil mevalardir. Mevalarning bir qismi qora rangdagi mevadonga solingan, yana bir qismi esa dasturxon ustida terib qo’yilgan holatda tasvirlangan. Deraza xonaning chap tarafida joylashganini choynak, mevadon va xurmo shoxining devorda aks etgan soyasi orqali fahmlash mumkin. Dasturxon burmalari, mevalardagi yoruqlikning qaytishi, nur-soya o’yini tasvirni jonli qilib, asar ruhini yanada kengroq yoritishga sabab bo’lgan. Ijorkor tasvirda har bir kichik epizodga ham ahamiyat bergani sababli, kartinaning jilosi o’z qiymatini yanada oshirganini kartinani tomosha qilish orqali guvohi bo’lishimiz mumkin.