Ushbu asarlar kulolchilikning yorqin namunasi hisoblanib, o`ziga xos ramziy xarakterga ega. Asar bir necha obrazdan iborat bo`lib, oila timsolini ifodalaydi. Bu juft ko`zalarda erkak va ayol xarakteri ochib berilgan. Erkak obrazi o`zbekona ruhda ishlangan. San`atning har qanday turida ayol ko`pincha farzandlari bilan tasvirlanadi, bu yerda ham xuddi shunday tasvirni ko`rishimiz mumkin. Ayol o`zining chekiga tushgan qutlug` vazifani bajarish bilan band. U bolalarini ohista ko`tarib turibdi. Bularning barchasi birlashib oilani tashkil qilmoqda. Ijodkor oilaning o`rni jamiyat uchun qanchalik muhim ekanligini ushbu kompozitsya orqali ko`rsatishga harakat qilgan.