Kartina syujeti rassomlar tomonidan ko’p bora murojat qilingan onaga bag’ishlangan. Bir qarashdayoq tasvirda biz ijodkorning ajoyib kolorist va tasvir ustasi ekanini ko’ramiz. Qora fonda syujet markazida yorqin, deyarli yalong’och holatda turgan chaqaloq. Uning yonida bolasini uxlatib o’zi bedor o’tirgan ona. Kechasi ham kundizi ham o’z farzandi uchun qayg’urib, farzandi uchun bedor tunlarni o’tkazadi. Garchi onaning yuzi tasvirlanmagan bo’lsa ham, ammo ayolning pozasida kamtarlik, samiymiylik, mehr va onalarga hos soddalikni ko’rish mumkin. Kunni tugab allamahal bo’lib qolganini qorong’ulik bag’rida tasvirlangan yarim oy shaklidan sezishimiz mumkin. Oy tasviriy san’atda simvol ham bo’lib u tiriklik va hayot davomiyligi belgisidir. Bu orqali rassom yangi zurriyotlar tarbiyalanishi, ular ham katta bo’lib yana yangi avlov kelishini, shu orqali hayot uzviy bog’liqlikda davom etishini bildirgan.